Pas Senegalit, me Amerikën?

22.05.2014 (komentet: 0)

Luajtëm me Haitin dhe Turqinë, ndërsa me Senegalin do të përballemi më 25 maj në Gjenevë të Zvicrës. Përfaqësuesja e Kosovës e di mirë edhe kundërshtarin e katërt të saj, por ende nuk e ka bërë publike. Derisa kreu i FFK-së, Fadil Vokrri nuk e pohoi e as mohoi mundësinë që Kosova të luajë me Amerikën, një gjë të tillë e kanë konfirmuar dy lojtarë të Përfaqësueses për Arenën.

Sipas tyre, Përfaqësuesja e drejtuar nga Albert Bunjaku, pas ndeshjes me Senegalin do të luajë përballë fuqisë Amerikës. “Po pas ndeshjes me Senegalin do të luajmë me Amerikën. Kështu na kanë thënë”, deklaroi njëri prej lojtarëve të Përfaqësueses që deshi mbetej anonim.

Ndërkohë një tjetër lojtar i Kosovës bëri të ditur edhe vendin e ndeshjes se ku do të zhvillohet. “Ne të gjithë e dimë që kemi me luajtur me Amerikën. Së paku kështu na kanë thënë që do të luajmë në Amerikë, edhe shumë mirë do të jetë”, tregoi tjetri lojtar i cili dëshiroi të mbetej anonim. /Arena/Telegrafi/ 

 

Kthehu mbrapa

Shto koment