Kryetari Haziri ka pritur një delegacion nga ministria e Arsimit e Shqipërisë

07.07.2015 (komentet: 0)

 Kryetari i Komunës së Gjilanit ka pritur në një takim pune një delegacion nga Ministria e Arsimit dhe Sportit e Republikës së Shqipërisë, me të cilët kanë biseduar për arsimin në përgjithësi, reformat dhe synimet për të ardhmen.

 

 

Delegacioni i nivelit të këshilltarëve të Ministres së Arsimit dhe Sportit, Lindita Nikolla, respektivisht Pëllumb Karameta, Erion Ndroqi të cilët shoqëroheshin nga drejtori i departamentit të inspeksionit të arsimit në Kosovë, Dëfrim Gashi që u interesuan kryesisht për arsimin në përgjithësi në Komunën e Gjilanit.

 

Me këtë rast kryetari i Komunës së Gjilanit, Lutfi Haziri, ka thënë se njohja, shkëmbimi i përvojave dhe funksionimi në nivelet lokale dhe nacionale në mes dy shteteve tona janë ura lidhëse që e mbajnë fuqishëm njëra – tjetrën.

 

“Komuna e Gjilanit është e gatshme dhe e hapur për bashkëpunim të plotë në fushën e arsimit, respektivisht në fushën e inspektoratit në të mirën e shkëmbimit të përvojave të arsimit në Kosovë dhe Shqipëri në disa nivele dhe fusha të ndryshme”, tha ndër të tjerash kryetari Haziri.

 

Qëllim i kësaj vizite nga delegacioni në fjalë është njohja me modelin e inspektoratit të arsimit në Republikën e Kosovës në nivelin qendror, por edhe njohja me Drejtoritë Komunale të Arsimit dhe me inspektoratin në nivelin lokal.

 

Kthehu mbrapa

Shto koment