Haziri: Shetitorja mbi lumin “Mirusha” është kthyer në qendër për bizneset

14.10.2017 (komentet: 0)

 

Kryetari i Komunës së Gjilanit, njëherit kandidat edhe për një mandat qeverisës, Lutfi Haziri, ka parë nga afër sot punimet në ndërtimin e shetitores mbi lumin “Mirusha”. Haziri tha se kjo shetitore është kthyer në qendër për bizneset.

 

 

“Përfundimisht, në lagjja e “Balecit” nuk ka më kundërmim. Kjo shetitore është kthyer në qendër për bizneset. Planifikohet organizimi i bizneseve të mesme dhë të vogla, duke krijuar vende të reja pune dhe duke e ringjallur pas 30 viteve qendren e Gjilanit”, ka thënë Haziri, duke treguar për realizimin e projektit të tërësishëm.

 

“Do të vazhdojmë rindërtimin e sheshit përfshirë gjelbrimin, organizimin urban dhe kjo shetitore e re do të përfundoj tek furra “Aroma” në pjesën e epërme, ndërsa do të vazhdojmë në pjesën e poshtme deri tek “Mulliri i Akllapit”. Ne besojmë që në vitin e ardhshëm do të përfundojnë të gjitha punimet në këtë pjesë dhe do të fillojmë ta rindërtojmë në të njejtën mënyrë lumin “Stanishorka”, ka shtuar kreu i Gjilanit.

 

Kryetari Lutfi Haziri ka theksuar se sheshi “Rexhep Mala e Nuhi Berisha” tashmë po merr formë, duke vazhduar zgjerimin e rrezes dhe duke e vendosur në plan të parë rrënimin e ish-objektit të ekzekutivit dhe hapjen e hapësirave për qytetarët dhe për bizneset. 

Kthehu mbrapa

Shto koment