iPhone 6 me ekran 5.5mm, procesor të shpejtë, ekran Ultra-Retina...

18.03.2014 (komentet: 0)

Edhe pse iPhone 6 është disa muaj larg nga lansimi zyrtar, në internet tashmë kanë rrjedhur disa specifika të mundshme të telefonit, të cilat japin detaje për procesorin, hollësinë, shpejtësinë dhe ekranin e telefonit më të ri të Apple.

Burimet e informacionit të cilat edhe në të kaluarën kanë dhënë shumë detaje të sakta për modelet e reja të iPhone sugjerojnë se iPhone 6 do të veçohet për hollësinë e jashtëzakonshme, si dhe procesorin edhe më të shpejtë krahasuar me modelin paraprak, iPhone 5S.

Sony Dickson ka shkruar në Twitter se iPhone 6 do të jetë vetëm 5.58 milimetra “i trashë”, dhe i njëjti do të vijë me ekranin Ultra-Retina me densitet prej 389 pikselëve për inç (ppi). Ai gjithashtu ka thënë se modeli i ri telefonit të Apple do të vijë me procesorin A8 me 2.6GHz.

“Këto karakteristika mund të jenë të vërteta” ka thënë Dickson, pa specifikuar burimet e informacionit të cilat i ka bërë publike.

Në anën tjetër, PhoneArena ka raportuar se madhësia e ekranit të iPhone 6 me 4.7-inç me 389 ppi mund të ofrojë rezolucionin prej 720p (HD) apo 1080p (Full HD).

Ndërsa një raport tjetër nga Macotakara, një burim i informacionit i cili ka qenë shumë herë i saktë për pajisjet e Apple, ka thënë se iPhone 6 do të inspirohet në dizajnin e iPhone 5C dhe gjeneratën e shtatë të iPod nano. 

/I.Behluli/ 

Kthehu mbrapa

Shto koment