Kur është çështja te ushqimi, edhe futbollistët e mëdhenj janë si të gjithë njerëzit tjerë.

Gazeta spanjolle Libertad Digital ka siguruar një dokument, në të cilin ndodhet menyja ushqyese e futbollistëve të Barcelonës.

Në këtë mënyrë, merret vesh se shumica e lojtarëve katalunas pas ndeshjeve hanë pica, e sidomos Lionel Messi.

Gerard Pique pëlqen të porosisë sandviçë me Nutella, pasi të vrapojë disa kilometra në stërvitje.

Luis Suarez krahas picës, pëlqen të porosisë edhe sallatë, ndërsa a Xavi Hernandez pas ndeshjeve porosit krahë pule.

Transferi i sivjetmë, Ivan Rakitic, pëlqen sushi dhe pemë të llojllojshme. /Telegrafi/