Marrëveshje bashkëpunimi në mes KF Gjilanit dhe SHMU “ Abaz Ajeti”

22.09.2013 (komentet: 0)

Në vazhdën e përpjekjeve për realizimin e projektit  të profesionalizimit  të klubit futbollistik Gjilani, para disa ditësh në shkollën “Abaz Ajeti” qëndroi delegacioni i klubit futbollistik Gjilani i kryesuar nga kryeshef i shtabit teknik Muharrem Sahiti, me bashkëpunëtorët e tij , ku u arrit një marrëveshje bashkëpunimi.  

 

Delegacioni i përbërë nga Muharrem Sahiti, shef  i shtabit teknik , Ibrahim Krivaqa anëtarë i kryesisë dhe donator , Refik Rexhepaj kordinator  i  Akademisë së futbollit të klubit , qëndruan në një vizitë bashkëpunimi në shkollën “Abaz Ajeti”. Me këtë rast nga drejtori i shkollës Hetem Kosumi u njohën me punën, sukseset dhe kushtet në të cilat punon shkolla. Ndërsa nga mësimdhënësi i kulturës fizike Ramiz Keka u njoftuan me sukseset e arritura në garat sportive si dhe me kushtet e punës sa i përket kulturës fizike.
Delegacioni i klubit futbollistik njoftoi nikoqirin lidhur me projektin për profesionalizimin e klubit në fjalë. Kryesia e klubit ofroi bashkëpunimin i cili deri më tash nuk ka ekzistuar. U arritë marrëveshja që shkolla ta bëjë seleksionimin e grupmoshave të  nxënësëve të cilët do të vijojnë akademinë e futbollit të këtij klubi të futbollit. Bashkëpunimi do të jetë reciprok. Klubi shkollën do ta ndihmoj me rekuizita sportive, mandej me organizimin e garave –turnirëve. Mandej fushat e futbollit me të cilat disponon klubi Gjilani do të jenë në dispozicion të shkollës për organizimin e garave të ndryshme u than ë fund të këtij takimi.
Siç  u njoftuam nga Muharrem sahiti , krejt ky aktivitet do të kontribuoj në zbulimin e talenteve të rijnë, dhe kultivimin e personalitetit sportive tek të rinjët.
Gjat ndjekjes së Akademisë  do të rritet mundësia e filtrimit të talenteve të rijnë për të cilët do të rritet mundësia e orientimit të tyre në shtet perëndimore , në klubet e mëdha.
Gjatë këtij takimi u konstatua se treva e Anamoravës ka talent të shumtë futbolli, e që dëshmi të shumta, të cilët luajnë në klubet e ndryshme të mëdha të futbollit evropian siq është Xherdan Shaqiri……
Gjilani veçohet me lojtarë vendas, por me hapjen e Akademisë dhe  bashkëpunimi i kësaj forme  si kjo do të rritet mundësia e furnizimit edhe të kluve tjera me lojtarë nga ky regjion.
Në Gjilan dhe më gjerë në Anamoravë  ka munguar bashkëpunimi me shkolla gjegjësisht  ka munguar puna profesionale, andaj edhe rezultatet janë qfar janë.
Duke u bazuar në  punën profesionale që  bëhet në vendet perëndimore ku arrihen  suksese të larta dhe përvojat e fituara nga ta , besojmë fort se nuk kanë me na munguar sukseset, tha ndër të tjera Ibrahim Krivaqa anëtari i kryesisë së klubit dhe njëri ndër donatorët kryesor të klubit.
Akademia e klubit është nën mbikëqyrje të shefit të shtabit teknik Muharrem Sahiti, ndërsa koordinator  i Akademisë  Refik Rexhepaj, ndërsa trajner klubi ka angazhuar ish lojtarët e njohur të klubit  Sadullah Ajeti, Selajdin Jerliu – Coli si dhe Afrim Hajdinin , trajner i portierëve.
Në kuadër të bashkëpunimit të ndërsjellët të Klubit Gjilani me shkollën ‘Abaz Ajeti” u dhanë  premtime që të angazhohen edhe mësimdhënësit e kulturës fizike në aktivitetet e Akademisë, dhe njëherit u shqyrtua edhe  mundësia e rregullimit të terrenit gjegjësisht mbulimit të fushë së futbollit, më qëllim të shfrytëzimit edhe gjatë kohës së dimrit , pasi që shkolla nuk posedon sallën e kulturës fizike.

abazajeti.com

Kthehu mbrapa

Shto koment