Lë Shqipërinë për Kosovën, Adelajda ndryshon historinë

19.07.2016 (komentet: 0)

Adelajda Prenga e ka ndryshuar historinë. Derisa shumë sportistë e sportiste nga Kosova e kanë përfaqësuar dhe vazhdojnë ta përfaqësojnë Shqipërinë, 25-vjeçarja bëhet e para që e bën të kundërtën. Ajo ka vendosur ta lërë Kombëtaren e Shqipërisë dhe dy motrat e saj, të cilat luajnë për ekipin kuqezi, për t’i mbrojtur ngjyrat e reprezentacionit kosovar. Ajo betohet se do ta japë maksimumin nga vetja për shtetin e dytë shqiptar

 

Tradicionalisht, Shqipëria është furnizuar vazhdimisht me sportistë nga Kosova duke e pasur parasysh se vendi ynë ishte i izoluar tërësisht me dekada.

Image

Mirëpo, shumë shpejt pritet të ndodhë e kundërta. Adelajda Prenga do ta thyejë akullin duke u bërë sportistja e parë nga Shqipëria që e përfaqëson Kosovën, shkruan Zëri.

Image

Volejbollistja shqiptare ishte pjesë e Kombëtares Shqiptare, por tash e tutje ka vendosur të luajë për vendin më të ri në Evropë. Ajo është pjesë e KV Drita në Gjilan qe disa vite dhe është e fejuar me trajnerin e saj, Lorik Ilazi.

Image

Ajo dëshiron të konsiderohet lojtare vendore dhe për këtë vendosi të kërkojë të pajiset me pasaportën e Kosovës. “Më shumë ishte çështje e volejbollit që më ndihmonte të isha si lojtare vendore. Këtë ma kërkoi klubi. Mund të them se nuk është kushedi farë ndjesie ta marr pasaportën e Kosovës, ka më shumë të bëjë me sportin”, shpjegoi fillimisht Adelajda për “Zërin”.

Image

“Unë kam qenë pjesë e Përfaqësueses së Shqipërisë, por sivjet hoqa dorë nga ajo, edhe pse më ftuan. Vendosa të luaj me Përfaqësuesen e Kosovës për faktin se po vazhdoj të luaj për Shqipërinë, sezonin e ri do të konsiderohesha përsëri lojtare e huaj tek Drita. I gjithë ky vendim dhe pasaporta u morën që unë të quhesha lojtare vendore”, shtoi ajo.

Image

Ndihet e veçantë

Adelajda bëhet sportistja e parë shqiptare që luan për Kosovën. Pa dyshim, ky fakt e bën atë sportisten më speciale në Kosovë. Edhe vetë ajo ndihet e tillë.

“Po, sigurisht që ndihem e veçantë, por në fund të gjithë ne jemi shqiptarë”, nënvizoi Prenga.

Image

Ajo nuk e fsheh faktin se në vendimin e saj për të luajtur për Kosovën dhe për t’u pajisur me pasaportën e këtij shteti ka ndikuar edhe i fejuari i saj, Loriku.

“Ka ndikuar normalisht në anën pozitive. Ishte një vendim i përbashkët”, sqaron ajo për Zërin.

Image
Image

Motra kundër motrave

Adelajda është grumbulluar një herë me Përfaqësuesen e Kosovës, e cila kishte luajtur kundër Kombëtares Shqiptare. Ajo ka luajtur kundër motrave të saj, Amarilda dhe Arjola, të cilat e përfaqësojnë Shqipërinë. Për të kjo ishte një ndjenjë e përzier.

Image
Image

“Unë luajta kundër motrave në këtë ndeshje dhe nuk ishte diçka e mirë, edhe pse prapëseprapë jemi mësuar. E humbëm këtë lojë 3-0”, shton ajo.

Image

Adelajda tregon se Federata e Volejbollit të Kosovës ka bërë kërkesë tek presidenti i Kosovës, Hashim Thaçi, dhe me vendimin e këtij të fundit, ajo tashmë është pajisur me pasaportë të Kosovës.

Për dallim nga Përfaqësuesja, tri motrat nga Rresheni i Mirditës, luajtën në të njëjtin ekip sezonin që shkoi duke e dominuar volejbollin kosovar me Dritën.

“Kjo ka qenë ndjesia më e veçantë për mua, duke qenë se morëm të gjithë trofetë e mundshëm”, u shpreh 25-vjeçarja.

Image

Volejbolli kosovar, larg Evropës

Adelajda tregohet e sinqertë dhe e pranon se Përfaqësuesja e Kosovës nuk është në nivelet më të larta dhe se nevojitet shumë punë për t’u bërë në nivelin nacional.

Image

“Për të qenë realiste dhe me këmbë në tokë, duhet shumë-shumë punë për t’i arritur nivelet e Shqipërisë e të mos flas për jashtë vendit, që jemi shumë larg”, tregon ajo. Në të ardhmen, edhe në sportet tjera mund të ndodhë që një sportist/e nga Shqipëria të luajë për Kosovën.

Adelajda luajti tek KV Drita bashkë me motrat e saj, Amarilda e Arjola, ndërsa i kishte kundërshtare në ndeshjen Kosovë – Shqipëri./Zëri/

Image

 

/zeri/

Kthehu mbrapa

Shto koment