Ibrahimoviq luan kundër Barcelonës

28.03.2013 (komentet: 0)

Në prag të duelit me Barcelonën, Paris Saris Germain ka marrë lajme pozitive nga UEFA, e cila ka vendosur t’ia ulë dënimin sulmuesit Zllatan Ibrahimoviq.

Në duelin e parë çerekfinal mes këtyre dy ekipeve, që do të zhvillohet me 2 prill, në Parkun e Princave, do të luajë edhe ish-anëtari i skuadrës katalunase.

Ibra më parë ishte dënuar me dy ndeshje moslojë për shkak të kartonit të kuq në ndeshjen kundër Valencias, por pas ankesës së parisienëve, UEFA e ka ulur dënimin në një ndeshje dhe kjo i jep të drejtë boshnjakut që të paraqitet kundër Barçës. Sulmuesi i PSG nuk është aktivizuar në ndeshjen e kthimit kundër Valencias, që do të thotë se dënimi tashmë i ka kaluar.

Nuk ka dyshim se paraqitja e tij e bën ballafaqimin më joshës, kur dihet se me Ibrën në përbërje PSG është skuadër dukshëm më e fortë.

Kthehu mbrapa

Shto koment