Humbja e tretë e Liverpoolit

20.09.2014 (komentet: 0)

Me rezultat 3-1, West Ham Unitedi e ka mposhtur Liverpoolin në ndeshjen e javës së pestë në Ligën Premier.

Në ndeshjen e zhvilluar në Upton Park, vendasit e filluan furishëm takimin duke shënuar dy gola të hershëm.

Winston Reid realizoi që në minutën e dytë, kurse Diafra Sakho e dyfishoi epërsinë në minutën e shtatë.

Raheem Sterling e ngushtoi epërsinë (27’) duke i dhënë shpresa ekipit të tij për rikthim në pjesën e dytë.

Mirëpo, Redsat nuk arritën të bënin asgjë në fraksionin e dytë, porse pranuan edhe një gol.

Morgan Amalfitano vendosi rezultatin e fundit të takimit në minutën e 88-të.

 

 

Kjo ishte humbja e tretë e Liverpoolit pas pesë ndeshjes, nga të cilat ka vetëm gjashtë pikë. 

 

Kthehu mbrapa

Shto koment