SHQIPTARO-AMERIKANËT, 1.3 MILION DOLLARË PËR KATEDRALEN

14.01.2016 (komentet: 0)

Në Nju Jork është mbajtur një mbrëmje Gala për grumbullimin e fondeve për Katedralen “Nëna Terezë” në Prishtinë.

 

Siç njofton korrespodenti i agjencisë së lajmeve INA, kjo mbrëmje solli plotë mirësi, dashuri, lutje e bekim fetar, kushtuar simbolit të shqiptarëve në botën e qytetëruar Nënë Tereza.

Ky manifestim do mbahet mend gjatë nga shqiptarët e Amerikës, mbasi ajo u zhvillua si gjest dashurie për tërë komunitetin katolikë shqiptarë, kudo që ai jeton në Kosovë, Shqipëri, dhe viset tjera shqiptare.

Darka u iniciua dhe u drejtua nga kongresmeni republikan i Neë Yorkut, Joseph J.DioGuardi dhe bashkëshortja e tij Shirli Klojes, si anëtarë të Komisionit për ngritje të fondeve për ndërtimin e Katedrales Nëna Tereze në Prishtinë.

Në këtë mbrëmje u mblodhën  1.3 milioni dollarë nga shqiptarët e Amerikës, por mrekullia ndodhi kur biznesmen shqiptar i fesë myslimane, Jim Xhema, dhuroi zarfin me 100,000 dollarë.

Çka është edhe shembulli më klasiku, shembulli më i bukur i bashkëjetesës dhe harmonisë ndërfetare, që ekziston tek ne shqiptarët.

Kthehu mbrapa

Shto koment