Maqedonia ndëshkon mësuesit shqiptarë

30.11.2012 (komentet: 0)

Disa dhjetëra drejtorë dhe mësues shqiptarë në shkollat e mesme dhe ato të ciklit të ulët në Maqedoni do të ndëshkohen me pezullim nga detyra apo gjoba, pasi ndërprenë mësimin me rastin e 100-vjetorit të pavarësisë së Shqipërisë

.

Lajmi u raportua të premten nga Agjensia Serbe e Lajmeve “BETA”, e cila citoi autoritetet maqedonase.

Inspektorët arsimorë kanë vendosur tashmë gjoba me vlerë 2 500-3 000 euro ndaj shkollave për prishjen e mësimit.

Gjithashtu, Ministria Maqedonase e Arsimit lëshoi një urdhër ndaj komunave me shumicë shqiptare, për të ndryshuar emrat e disa shkollave, të cilave u janë venë emërtime shqiptare.

Midis këtyre shkollave, përfshihet gjimnazi “28 nëntori” në Dibër, i quajtur më parë “Zdravko Cockovski”.

Problem i bënë edhe dy shkolla të tjera, në lagjen Çair në Shkup, një shkollë që quhet “Adem Jashari” dhe në Dibër, një tjetër shkollë që mban emrin ilir të Dibrës, “Penestija”. /TCH/

Kthehu mbrapa

Shto koment