Kosovë e Bosnje, ndodhi barbari e paralajmëruar

11.07.2012 (komentet: 0)

Drejtësia dhe e drejta ndërkombëtare kanë rëndësi thelbësore për politikën e jashtme, ka thënë Sekretari i Jashtëm britanik William Hague

Ai në Hagë ka mbajtur një fjalim të gjatë në shënim të dhjetëvjetorit të themelimit të Gjykatës Ndërkombëtare Penale.

Duke bërë historikun e përparimeve që ka bërë drejtësia ndërkombëtare në 20 vjetët e fundit, Sekretari i Jashtëm William Hague u është referuar po ashtu edhe proceseve gjyqësore për krime të luftës e gjenocid që janë zhvilluar në Gjykatën Penale për Ish-Jugosllavi (ICTY) dhe në Gjykatën Penale për Ruandën.

“Është ë vërtetë e dhimbshme që përparimet më të mëdha në drejtësinë ndërkombëtare kanë ardhur si rezultat i neverisë sonë ndaj mizorive: tmerrit të luftërave botërore, fushave të vdekjes të Kamboxhës, barbarisë së paralajmëruar në Bosnjë dhe në Kosovë, kasaphanes në Ruandë, si dhe dhunimeve masive në Republikën Demokratike të Kongos. 

Që të gjitha këto ishin turpërim i padurueshëm për ndërgjegjen e njerëzimit”, ka theksuar ai.

Sipas tij, është shumë më mirë që tani shikimi të hidhet përpara dhe të ushtrohet vullneti politik për të parandaluar konfliktin dhe për të zgjeruar të drejtat e njeriut pa qenë nevoja që të veprojmë nga turpi për vdekjet dhe vuajtjen e njerëzve të pafajshëm

Kthehu mbrapa

Shto koment