Georgievski: Regjistrimi nuk u bë për shkak të rënies drastikë të maqedonasve

30.06.2012 (komentet: 0)

Ish-kryeministri i Maqedonisë, Lubço Georgievski tani lideri i VMRO-Partia Popullore, tha se Qeveria e shtyu regjistrimin për shkak se maqedonasit po përballen me katastrofë demografike. “Qeveria ka shtyrë regjistrimin e popullsisë jo për shkak të shqiptarëve, por për shkak të maqedonasve, për shkak se u përballëm me fotografinë reale të katastrofës demografike.

 Viteve të fundit për çdo vit kemi rënie prej 6 për qind të lindjeve të reja. Për çdo vit po zvogëlohet numri i nxënësve fillorist prej 1.000 deri në 2.000. Në vitin 2000, nxënës maqedonas që janë regjistruar në klasën e parë kanë qenë 31 mijë, ndërsa vitin e kaluar 19 mijë. Prej vitit të kaluar e deri në këtë shtator në Manastir ka rënie të filloristëve prej 15 për qind”, ka deklaruar Georgievski në tribunën e organizuar nga koalicioni i ri opozitar “Për Maqedoninë demokratike”, të mbajtur në Manastir, nofton “Lajmi”.

Lidhur me zhvillimet politike, Georgievski ka akuzuar qeverisjen aktuale për diktaturë dhe mungesë demokracie. “A nuk është turp që të konstatojmë se më shumë demokraci, hapësirë informimi dhe debate ka pasur në vitet e fundit të komunizmit në ish-Jugosllavi, se sa gjatë katër viteve të fundit në Maqedoni nën udhëheqjen e Gruevskit”, deklaroi Georgievski. Sipas tij, tashmë po përjetojmë një realitet me të burgosur politik, kanale televizive që janë makineri propaganduese e pushtetit, politikë ndëshkimi, etj.

Kthehu mbrapa

Shto koment