Dacic kërkon nga BE lirimin e pjesëtarëve të MUP-it

28.02.2012 (komentet: 0)

Ministri serb i Punëve të Brendshme, Ivica Dacic ka kërkuar nga zyrtarët e Bashkimit Evropian, lirimin e pjesëtarëve të ministrisë që ai drejton (MUP), që u arrestuan nga autoritetet kosovare në Gjilan.


Sipas ministrit serb, akuzat ndaj pjesëtarë të MUP-it janë kundër tyre janë të rrejshme dhe të montuara.

Ai ka thënë se në kuadër të takimeve që ka zhvilluar në Bruksel, së bashku me presidentin serb Boris Tadic, ka ngritur dhe këtë çështje duke kërkuar “që ky rast të zgjidhet sa më shpejt, pasi do të ketë pasoja të mëdha”.

“Nuk bëhet fjalë për armë pa leje dhe as uniforma, sepse ato janë uniforma të vjetra dhe tërë kjo mund të nxisë masa reciprociteti nga ana e Serbisë”, citojnë mediat ministrin serb Dacic.

Ndryshe, EULEX një ditë më parë ka njoftuar se pesë pjesëtarëve të MUP-it i është shqiptuar masën e paraburgimit prej 30 ditësh, të cilët akuzohen për ushtrim të padrejtë të presionit ndaj banorëve të Parteshit për mosnjohjen e institucioneve të Kosovës. 

Kthehu mbrapa

Shto koment