Brukseli po e shqyrton reciprocitetin e arrestimeve

30.03.2012 (komentet: 0)

Ende pa nisur mirë zbatimi, marrëveshja për lirinë e lëvizjes, e arritur mes Edita Tahiri dhe Borislav Stefanovicit, nuk do t`u shërbejë për asgjë qytetarëve të Republikës së Kosovës.

Tre muaj pas arritjes së marrëveshjes shumë të proklamuar në Bruksel, qytetarët e Kosovës nuk do të mund të udhëtojnë nëpër Serbi. Shkas janë bërë një valë arrestimesh të paralajmëruara nga ministri i Brendshëm i Serbisë, Ivica Dacic, njofton “Koha Ditore”.

Arrestimet e të gjithë banorëve të Kosovës që thyejnë rendin kushtetues të Serbisë, ministri i Brendshëm serb ka thënë se do t`i bëjë si reciprocitet ndaj disa arrestimeve të bëra nga Policia e Kosovës, të disa qytetarëve serbë, pjesë të strukturave paralele të Serbisë në Kosovë.

Ndërmjetësi i bisedimeve Robert Cooper, sipas burimeve të gazetës, është shqetësuar me veprimet e fundit.

Duke folur në kushte anonimiteti, një zyrtar evropian i ka thënë gazetës se Cooper po i shqyrton mundësitë se si të adresohet çështja dhe të ndalet trendi, që dëmton seriozisht marrëveshjet e arritura, sidomos atë për lëvizjen e lirë. 

Kthehu mbrapa

Shto koment