Ndodhi në ditën e sotme, 23 shtator

23.09.2013 (komentet: 0)

Marie Logoreci

1920. - Lindi në Shkodër Artistja e Popullit Marie Logoreci. Jeta artistike e Marie Logorecit nisi si këngëtare në Radio Tirana në vitin 1945 ku këndoi si soliste drejtpërdrejt në mikrofon. Aftësia interpretuese e Marie Logorecit bëri që prej vitit 1947 ta gjejmë në skenë, tashmë si aktore e Teatrit Popullor. Marie Logoreci na ka dhënë një galeri të pasur figurash ku spikat interpretimi i Lokes te "Toka jonë". Është dekoruar disa herë me medalje dhe çmime në festivalet e teatrove. U nda nga jeta më 19 qershor 1988.

1713. - Lindi Ferdinandi VI, mbret i Spanjës në vitet 1746-1759. Ai mbështeti reformat ekonomike dhe ushtarake dhe rritjen e kontrollit të shtetit mbi Kishën Katolike romane.
1779. - John Paul Jones fundosi anijen britanike "Serapis" në ujërat e Detit të Zi gjatë revolucionit amerikan.
1780. - Agjenti britanik John Andre u kap nga amerikanët, ndërsa jepte informacion rreth dorëzimit të Frontit perëndimor.
1819. - Lindi fizikanti francez Armand Fizeau. Ai mati shpejtësinë e dritës pa llogaritje astronomike.
1846. - Astronomi gjerman Johan Galle zbuloi planetin Neptun.
1860. - Milioneri shqiptar në Rumani, Vangjel Zhapa përmes një letre ndërmjetëson pranë qeverisë greke për zbatimin e nismës së princit të Moldavisë per krijimin e një aleance ballkanike antiosmane. Zhapa besonte se aleanca do të ndihmonte edhe luftën e popullit tonë për çlirimin e vendit.
1865. - Lindi Baronesha Orzsy, noveliste britanike.
1870. - Vdiq Prosper Merimee, dramaturg francez.
1869. - U nda nga jeta albanologu Johan George Fon Han, konsulli austriak pranë Ali Pashë Tepelenës, bashkëpunëtor i Kostandin Kristoforidhit për studimin e gjuhës shqipe. Albanologu i shquar ka lënë një sërë veprash studimore për gjuhën, historinë dhe thesarin e kulturës popullore shqiptare.
1903. - U nda nga jeta mësuesi atdhetar Said Najdeni, ose siç njihet ndryshe Hoxhë Voka. Ai e ktheu shtëpinë e tij në Dibër të madhe në mësonjtore shqipe. Ishte ndër organizatorët e Kuvendit të Dibrës dhe autor i njërës prej abetareve të para të shqipes.
1908. - Klubi "Bashkimi" i Manastirit shpërndau në të gjithë Shqipërinë dhe kolonitë shqiptare ftesë për kongresin e alfabetit të gjuhës shqipe që u quajt Kongresi i Manastirit. Klubi e konsideronte alfabetin si çelësin për plotësimin e të gjitha nevojave të qytetërimit dhe përparimit industrial.
1909. - Klubi "Drita" i Gjirokastrës që kishte edhe një trupe teatror përgatiti dhe shfaqi dramën e Sami Frashërit "Besa". Shfaqja u përgatit nga mësuesi atdhetar Andrea Konomi.
1913. - Kryengritësit dibranë pas çlirimit të qytetit nga pushtuesit serbë krijuan qeverinë provizore të Dibrës, e cila në letrën e datës 23 shtator, njofton qeverinë e Vlorës për mbështetjen dhe përballimin e sulmeve të mundshme të shovinistëve serbë.
1916. - Lindi Aldo Moro, kryeministër i Italisë në vitet 1963-68 dhe 1974-76. Ai u rrëmbye dhe u vra nga terroristët e Brigadës së Kuqe më 1978.
1930. - Lindi pianisti dhe këngëtari amerikan Ray Charles. Ai u njoh në të gjithë botën për këngën "Georgia in my mind".
1936. -Mbretëria shqiptare aderoi në Konventën Ndërkombëtare për Përdorimin e Radiodifuzionit në interes të paqes.
1937.- Me Dekret mbretëror vendoset kontakti i parë diplomatik midis Shqiperise dhe Japonise.
1939. - Vdiq Sigmund Frojd, psikiatër austriak dhe themelues i psikoanalizës.
1940. - U institucionalizua urdhri më i lartë i Britanisë për aktet e trimërisë, "George Cross".
1949. - Lindi Bruce Springsteen, këngëtar, dhe kitarist amerikan. Ai arriti në majat e hiteve muzikore me baladat rok "Born in USA" dhe "Born to Run".
1973. - Vdiq Pablo Neruda, poet dhe diplomat kilian. Si një nga poetët më të shquar të gjuhës spanjolle, ai ishte përfaqësues i shtetit në Burma, Argjentinë dhe Meksikë.
1984. - Në Strugë vdiq Vllado Malevski, revolucionar maqedonas, sjkrimatr, publicist dhe skenarist. Ai është njëri ndër themeluesit më të talentuar të prozës maqedonase. U lind në Strugë më 5 shtator 1919.
1990. - Qytetarët e Zvicrës votuan për të ndaluar krijimin e armëve bërthamore.
1991. - Armenia deklaroi pavarësinë e saj nga Bashkimi Sovjetik.
1992. - Gjenerali Le Duc Anh, ushtaraku më i lartë i Vietnamit u zgjodh President i vendit nga Ansambleja Kombëtare.
1993. - Australia e gjithë shpertheu në festë kur dëgjoi në transmetim direkt nga Monte Karlo se Sydneit iu dha nderi i përgatitjes së Lojërave Olimpike 2000.
1999. - Bernar Kushner, administratori i OKB-së për Kosovën lajmëroi transformimin e Ushtrisë Çlirimtare të Kosovës në një "Forcë për mbrojtjen e Kosovës".
2001. - Vdiq në Nju Jork në moshën 81 vjeçare, Isak Shtern (Isaac Stern), i konsideruar violinisti më virtuoz i shekullit XX. Shtern, i cili nxori më shumë se 100 disqe në karrierën e tij, dha më shumë koncerte se çdo violinist tjetër në botë me Filarmoninë e Nju Jorkut. Ai është fitues i çmimit Oskar për kolonën zanore të filmit "Fiddler on the Roof".
2002. - Vdiq, në moshën 76 vjeçare, Julio Perz, kampion i botës më 1950, me seleksionin uruguajan të futbollit. Perez, mori pjesë në botërorin e Brazilit, ndërsa luajti gjatë karrierës së tij me ngjyrat e skuadrave uruguajane Nacional Montevideo, Racing Club Montevideo dhe Internacional të Porto Alegres.

Kthehu mbrapa

Shto koment