Hydajet Hyseni: Krasniqi, mendimin e vet e ka thënë me kohë

26.12.2012 (komentet: 0)

Pjesë e partisë me të re në vend, pritet të jetë edhe Hydajet Hyseni

Kryetari i Kuvendit të Kosovës, njëherësh Sekretar i Përgjithshëm i PDK-së, Jakup Krasniqi, gjatë një interviste për media, nuk e ka mohuar opsionin për formimin e një partie të re. Sipas tij, kjo gjë do të varet nga zhvillimet që pritet të ndodhin gjatë procesit zgjedhor në PDK.

Hydajet Hyseni - Kaloshi

Hydajet Hyseni – Kaloshi

 

Ndërsa, burime të ORAinfo.com bëjnë të ditur se nëse ideja e Jakup Krasniqit konkretizohet, atëherë pjesë e partisë me të re në vend, pritet të jetë edhe Hydajet Hyseni deputet i PDK-së, i afërt me ideologjinë politike të Krasniqit.

Sipas këtyre burimeve Hyseni që një kohë të gjatë i ka ftohur raportet me njerëzit e afërt të liderit të PDK-së, Hashim Thaçi.

“Kjo gjë është vërejtur kur ai në disa raste ka qenë kundër propozimeve të partisë të cilës i takon, shpesh ka ndodhur që e ka kritikuar edhe Qeverinë”, ka thënë burimi i ORAinfo.

Nga ana tjetër, Hydajet Hyseni në një prononcim për ORAinfo nuk ka dashur të flas nëse do ta përkrahë idenë e Jakup Krasniqit për themelimin e një partie të re, por ka thënë se Jakup Krasniqi asnjëherë nuk merr vendime të nxituara dhe pa pasur ndonjë arsye të fortë.

“E di që Jakup Krasniqi mendimin e vet e ka thënë me kohë. Ai nuk është njeri që nxitohet dhe nuk merr veprimet pa pasur arsye të forta, të qena dhe pa u motivuar nga interesat madhore të Kosovës dhe gjithë kombit”, ka thënë Hydajet Hyseni. (ORAinfo)

Kthehu mbrapa

Shto koment