VIZITA E MINISTRIT

15.11.2012 (komentet: 0)

 

 Ana me nanën përdore

U nis drejt shkollës fillore

Gëzimi i saj qe i paparë

Se po hynte në klasë të parë.

 

Në oborr të shkollës, tollovi
Kishin ardhë shumë fëmijë
Të rreshtuar, e dorë për dore
Pritnin të hynin në mësojtore.

Në hyrje të shkollës një xhaxhi
Kishte libra për çdo fëmijë
Ana u bë shumë kurreshtare
Të dinte kush po jepte abetare?

-Është ministër në qeveri
Përgjigjet nana me butësi
Dhe secilit që është fillestar
Do t’i urojë fillim të mbarë!

-Kështu, kur të vjen radha dhe ty
Përshëndete me dashamirësi
Është njeri i madh, pa hajgare
Do të jap dhe ty abetare!

Ana s’foli për pak çaste
Po kujtonte disa raste
Kur sa herë e shihnin në kuvend
Prindërit i thoshin “i pa mend”!

Dhe i tha mamit me nxitim
Se ishte pak si n’ dyshim,
-A mos është ky ministër Jani
Që ju shpesh po e shani?!

Sami ISLAMI

Kthehu mbrapa

Shto koment