Presidenti B. Pacolli takoi edhe kryesinë e AKR-së në Gjilan

08.05.2014 (komentet: 0)

Behxhet Pacolli President i AKR-së së bashku e ministrin Fadil Ismajli, pas një takimi shumë të rëndësishëm që patën me studentët dhe mësimdhënës të Universitetit publik “ Kadri Zeka “ në Gjilan u takua edhe me kryesinë dhe aktivistët e Degës së AKR në Gjilan.

Presidenti dhe bashkëpunëtorët e tij nga kryesuesi i degës së AKR-së  A. Rexhepi,  u njoftuan me të arriturat aderimeve të reja, aktivitetet e degës rreth organizimit të punës me forumet e ndryshme dhe  zhvillimin e aktiviteteve   nëpër nëndegë.

Në fjalën e tij ministri Fadil Ismajli njoftoj kryesinë e degës për gjendjen e krijuar lidhur me shpërbërjen e Parlamentit dhe shpalljen e datës për zgjedhjet e reja Pas kësaj situate të krijuar ministri kërkoj nga kryesia dhe trupi koordinues angazhim konkret që në këto zgjedhje të hymë sa më të organizuar të përgatitur sepse AKR ka programin më të mirë për zhvillimin ekonomik .

Presidenti Pacolli shprehi kënaqësinë me gjendjen dhe atmosferën që është krijuar në degën e AKR në Gjilan. “ Po shoh një zhvillim të kënaqshëm, dega po krijon perspektivën e vet, po frymon ndryshe,  gjegjësisht po faktorizohet në Gjilan”, tha z. Pacolli.

 Z. Pacolli para  aktivistëve të degës së Gjilani , foli për mundësitë që i ka AKR si parti të dal para qytetarëve krahasuar me partitë tjera. AKR-ja është ballëhapur për punën e vet sepse ka një bagazh  të sukseseve që i ka arritë  në  qeverisjen e deritashme.

“Ideologjia e jonë është mirëqenja e qytetarit por edhe synim i vazhdueshëm i yni dhe të gjitha përpjekjet do të bëhen në këtë drejtim. Kjo arrihet me punë, dhe Kosovës sot i nevojiten heronj të punës. Ne duhet  të tregojmë se jemi të aftë të krijojmë perspektivë për vetveten dhe se nuk do të presim nga askush. Duke krijuar perspektiv për vetveten krijojmë perspektivë për rrethin dhe shoqërinë në tërësi. Nevojitet një politikë e mirëfilltë e cila duhet ta mësoj gjuhën ekonomike dhe të menduarit në mënyrë ekonomike” tha në mes tjerash President  Pacolli.

 Me reformat që i ka bërë AKR dhe me ato të cilat do ti bëjmë në mandatin e ardhshëm janë bazë e zhvillimit ekonomik të vendit. Platforma jonë agroekonomike do të krijoj mundësi të zhvillimit ekonomik dhe do të  arrijmë sadokudo ta nivelizojmë  expotin me importin.  Këtë do ta bëjmë ne me investim shpirtëror, të cilin e kemi ne.

Më inkurajon atmosfera  dhe harmonia në degën tuaj, të cilën duhet ta bartni në nëndegë. Kërkoj nga ju të jeni aktiv në përpilimin e listave të kandidatëve për deputet, të cilët duhet të jenë njerëz të ideve  dhe përfaqësues të denjë të  Gjilanit, përfundoi Presidenti i AKR para  kryesisë dhe aktivistëve të sajë në Gjilan.

 

Kthehu mbrapa

Shto koment