PDK: “Hidromorava” çerdhe e LDK-së për punësime familjare

08.11.2015 (komentet: 0)

 

 

Pas punësimeve të shumta familjare të drejtorëve të komunës së Gjilanit, në këtë kompani publike tani ka filluar sezoni i ri i punësimeve, në hapjen e së cilës Ministri i Shëndetësisë Imet Rrahmani punësoi kunatën e tij si zyrtare në “Hidromoravë”, ndërsa kryetari i Gjilanit Lutfi Haziri e punësoi mikun e tij (vëllaun e gruas) duke e transferuar në Gjilan nga njësia në Kamenicë, të cilin fillimisht para pak muajsh e kishte punësuar atje.

Edhe në ndërmarrjet tjera publike në Gjilan, “Kosovatrans”, “Eko-Higjiena” (PPP), si dhe në institucionet tjera publike, zyrtarët e LDK-së po garojnë se cili po arrinë më shumë të punësojnë të afërm familjarë. Duke keqpërdorur besimin dhe vullnetin qytetarë, e më së shumti të elektoratit dhe votuesve të LDK-së, për të cilët ende nuk ka asnjë vend për punësim, sepse familjarët e zyrtarëve të lartë të LDK-së qenkan prioritet i prioriteteve në mënyrë që të rehatohen që të gjithë, bile duke i ndërruar nga disa vende të punës dhe pozitat e tyre, deri sa të zgjedhin vendin e dëshiruar dhe të preferuar, aty ku fitohet më shumë.

Qeverisja komunale e Gjilanit, jo edhe rastësisht i ka lënë disa kompani publike pa borde udhëheqëse dhe pa legjitimitet, në mënyrë që ta shfrytëzojnë nga ky vokum institucional, ndërsa në “Hidromoravë” drejtori politik i LDK-së nuk njeh fare që ka bord drejtues dhe duke e shndërruar këtë kompani publike në një seli të partisë, një çerdhe punësimi për familjarët e tij dhe të LDK-së, si dhe një qendër biznesi për përfitime financiare dhe me kontrata të dyshimta e në konflikt ligjor.

Partia Demokratike e Kosovës dega në Gjilan, kërkon që të ndalen këto shkelje të mëdha ligjore si dhe të ndalen keqpërdorimet e mëdha të menaxhmentit në këto kompani dhe të zyrtarëve të lartë të LDK-së. 

Secili qytetarë duhet të jetë i barabartë në të drejtën për punësim, së paku duhet të jenë të barabartë aktivistët e LDK-së, pa të cilët ju sot nuk do të kishit pasur mundësi, që ti menaxhoni këto ndërmarrje publike dhe institucionet tjera publike thuhet në reagimin e 
PDK dega Gjilan.

Kthehu mbrapa

Shto koment