Donatorët të cilët premtuan në mbrëmjen humanitare të organizuar nga Komuna e Gjilanit, po vazhdojnë t’i përmbushin ato për t’u dalë në ndihmë familjeve që kanë nevojë për strehim dhe banim.

Deri më tani, Fondi prej 100 mijë eurosh i ndarë nga Komuna e Gjilanit për familjet në nevojë është rritur nga njerëzit e vullnetit të mirë me mbi 86 mijë euro dhe mbi 21 mijë franga zvicerane.

Kryetari i Komunës së Gjilanit Lutfi Haziri ka shprehur falënderim për qytetarët e vullnetit të mirë kudo që janë që iu kanë përgjigjur thirrjes për ndihmë nevojtarëve, duke apeluar edhe tek të tjerët që t’i përmbushin premtimet e dhëna në mbrëmjen humanitare “Pak nga ne, shumë për ata”.

Ndryshe, pesë shtëpi tashmë kanë nisur të ndërtohen për familjet me gjendje më të rëndë, derisa javë më parë në një takim me autoritetet komunale edhe donatorët tjerë që kanë premtuar ndërtim të shtëpive me çelësa në dorë, janë zotuar se janë të gatshëm t’i përmbushin ato. Poashtu, ka nisur edhe meremetimi i shtëpive sipas kërkesave të qytetarëve.

Për hirë të transparencës, Komuna e Gjilanit do të vazhdoj t’i bëjë publike të gjitha transaksionet që kanë ardhur në xhirollogaritë zyrtare.

Mënyra e kontribuimit brenda dhe jashtë Kosovës është si më poshtë: