Kandidati për president të Republikës së Maqedonisë Veriore, Blerim Reka, e ka zgjedhur kryeqytetin e këtij vendi, Shkupin, për ta hapur fushatën zgjedhore. Me këtë rast, edhe zyrtarisht, është bërë me dije programi i Blerim Rekës të cilin ai do ta zbatoj nëse zgjedhet president.
Haziri në Gjilan, Haliti në Viti, Surdulli në Kamenicë dhe Ymeri në Novobërdë
10.08.2017 (komentet: 0)
Lidhja Demokratike e Kosovës (LDK), pritet t’i rikandidojë kandidatët në komunat ku i ka pasur kandidatë edhe në zgjedhjet e kaluara, kur janë në pyetje komunat si Gjilani, Vitia, Kamenica e Novobërda.
Siç dihet, në Gjilan e Viti kishin fituar kandidatët e LDK-së, por jo edhe në Kamenicë e Novobërdë.
Sipas kreut të këtij subjekti politik, Isa Mustafës, kur janë në pyetje komunat e Anamoravës, në Gjilan, LDK-ja, do të kandidojë me Lutfi Hazirin, në Viti me Sokol Halitin, në Kamenicë me Shaip Surdullin dhe në Novobërdë me Bajrush Ymerin.
Përndryshe, zgjedhjet lokale në Kosovë janë paraparë të mbahen me 22 tetor.