Bislimi nuk premton shumë vende të punës e miliona

21.10.2013 (komentet: 0)

Më 3 nëntor dilni masivisht në zgjedhje dhe votoni për AKR-në, ka porositur kreu i AKR-së, Behgjet Pacolli në tubimin e sotëm parazgjedhor në Gjilan. Faton Bislimi, kandidat i AKR-së për Gjilanin nuk ka dhënë shumë premtime.


“Procesin e votimit më 3 nëntor duhet ta përqafojmë e jo ta ngufasim, vota juaj ka me qenë vazhdimi i kësaj qeverisjeje të keqe, apo ndryshimi i saj, ju jeni ata që vendosni. Unë nuk ju premtoj si të tjerët vende të punës pa kufi, miliona euro, pasi që çdo qeverisje që i ka premtuar, këto nuk i ka bërë, jeni dëshmitarë për këtë”, tha Bislimi. Ai  gjithashtu tha se çdo kryetar i Komunës është kryeshërbëtor i qytetarit. 

“Çdo vit dalin mijëra të diplomuar e që nuk punojnë dhe kjo mbetet në ndërgjegjen e Komunës. Katër vjet janë shumë të mëdha nëse nuk punohet dhe nuk ka perspektivë, dihet qe ka shumë të pa punë ka shumë probleme ekonomike dhe infrastrukturore”, tha  Bislimi.

Kthehu mbrapa

Shto koment